MAGPABILIN sa iyang posisyon isip labaw sa Office of the Senior Citizens Affairs o OSCA GenSan si Celso Mendoza.
Kini ang gihingusgan ni Mendoza, luyo nga gitawag ni Kagawad Franklin Gacal Jr. nga illegal occupant kini isip labaw sa OSCA tungod ni-expire na ang termino niini niadtong Abril 10, 2021 ug wala pa naka-elect og mupuli kaniya.
Apan gitino ni Mendoza nga nagpagawas og memorandum si Mayor Ronnel Rivera nga naga-designate kaniya isip OSCA head hangtud Desyembre 31 ning tuiga.
Samtang gibutyag usab ni Mendoza nga iyaha gihapong ipamugos ang pagdawat og sweldo luyo sa deklarasyon sa usa ka representante sa accounting office nga dili na kini sweldohan sa bulan sa Oktubre.
Gitino pa niini nga hangtud magpabilin ang trust and confidence sa mayor ngadto kaniya, magpadayun kini sa pagserbisyo alang sa mga senior citizens.
Gidugang usab ni Mendoza nga may programa sa mga lolo ug lola ang OSCA GenSan ug welcome ang bisan kinsa nga elected official lakip pribadong indibidwal.
