UNVACCINATED batok Covid-19 ang sagad sa pasyente nga critical ug admitted sulod sa mga ospital sa GenSan. Sa datus gikan sa health office sa pito sa severe cases unom sumala pa niini ang wala nabakunahan kontra Covid-19.
Samtang lima sa critical Covid-19 cases nga naa sa mga ospital upat ang wala nabakunahan ug usa ang partially vaccinated. Sa 74 katao nga Covid-19 positive og na-admit sa ospital naa sa 57 niini ang unvaccinated, 14 ang fully vaccinated samtang tulo ang naghulat sa ikaduhang dose sa bakuna.
Base usab sa datus sa LGU, sa pagsaka sa kaso sa virus nakalabay’ng bulan nga miresulta sa pagkapuno sa pribado ug pampublikong ospital samad mga pasyente ang nakasinati og severe hangtud critical symptoms sa virus. Kini ang rason sa pagpalapad na sa siyudad sa vaccination program aron sumala pa maabot ang mga indibidwal nga wala pa nabakunahan.
Partikular na ang dunay comorbidities o naay sakit ug mga senior citizens nga daling matakboyan sa virus. Matud ni Dr. Rochelle Oco, health officer atol sa press conference nakalabay’ ng semana. Naa pa lang sa 26% ang fully vaccinated sa GenSan gikan sa 459,000 katao nga target bakunahan aron makab-out ang population protection batok Covid-19. – Richel Gubalani
