HILABIHAN ang pagpasalamat ni Tatay Exequel Masaglang o Eking, 65 anyos tungod dili na kini magpunay og atang sa bintana kada adlaw ug makagawas na sa ilang balay human mahatagan og wheelchair sa KaBrigadahan GenSan.
Asoy pa ni Tatay Exequel nga nag-antus siya sa rayuma ug na-mild stroke mao nga dili na kini makatrabaho.
Ang asawa nga si Nanay Segundina ang gaatiman kaniya ug aron sila makakaon sa kada adlaw, manglabada ang nahisgutan.
Si Nanay Segundina, usa sa mga aktibo nga Community Officer ang tig-agak ug atiman sa iyang bana kada adlaw ug handum nga mahatagan og wheelchair, mao nga dako ang kalipay usab niini.
Mismo si Idol Brigada Elmer V. Catulpos ang mihatod sa ilang panimalay sa Prk. San Vicente, Brgy. Labangal sa maong wheelchair ug gilayun usab gisulayan ni Tatay Exequel nga makita ang tumang kalipay nga siya ang makagawas na sa ilang balay.
Ang wheelchair gikan sa “singko singko” nga donasyon sa mga miyembro sa KaBrigadahan Gensan nga gibansagan nga bayani ni Catulpos tungod sa ilang walay puas nga pagtabang sa ilang isigkatawo.
