Sambilog sa tinutuyo it Altavas Municipal Police Station sa pagpamuno ni PLT RYAN S BATADLAN ACOP nga maging iba sa tanan ag gusto kara nga duea-on ro stigma sa andang nasakupan kung sa istasyon it pulisya.
Gusto it Altavas MPS nga mabatyagan it andang mga kliyente ro sangka bilog nga kalibutan sa sueod it perimeter parehu it ginaeauman nanda halin sa guwa.
Sangka bag-ong landmark it manami nga handumanan ro ma-eksperiensyahan it andang kliyente sa paghalin nanda sa istasyon.
Sa kamatuoran, maabo eon makarun nga Altavasnon ro interesadong makita ro bag-ong ubra nga area kung siin pwedeng magpa picture ro magaagto sa Altavas police station. / ANN DESLENE SALAZAR
