MIKABAT sa 386 ang naserbisyuhan sa laing hugna na usab sa Operation Tuli karon nga tuig sa Brigada tungod sa tabang sa mga nagkadaiyang partners nga walay puas nga nagasuporta sa maong kalihokan.
Anaa ang Rotary Club of Dadiangas nga midugang og tambal, gloves ug voluntaryong nangamot sa pagtuli sa pila ka mga bata.
Kalabot niini bisan ang mga Rotaract ang wala usab nagpaulahi sa pag-apil ug gipadayag ang gibating kalipay nga sila ang nahimong kabahin sa maong kalihokan.
Samtang si Javee Prado sa Interact ang nagpadayag usab nga hilabihan ang kalipay nga iyang gibati nga nahimong kabahin sa maong kalihokan.
Ilang grupo ang nahimong kaabag sa pag distribute og tambal ngadto sa mga ginikanan sa mga bata pagkahuman nga natuli.
Si Lydia Orosco nga residente sa Habitat B San Isidro ang walay laing nabungat gawas lang sa pagpasalamat tungod kay pinaagi sa Brigada naka minus gasto sila ug malampuson nga natuli ang iyang anak. I Danny Casi
