DILI na ganahan og dugang anak ang usa sa duha ka-fertile nga minyo nga babaye sa Soccsksargen region, kini base sa resulta sa 2022 National Demographic and Health Survey (NDHS).
Sa datus Philippine Statistics Authority (PSA)–Soccsksargen naa sa 49% sa minyo nga babaye edad 15 hangtud anyos ang dili na buot pa modugang og anak. Samtang naa sa 17 porsyento ang buot usab i-delay ang pagdugang og anak samtang 14% ang buot makaangkon og dugang anak sulod sa duha katuig.
Sa taho 9% sa babayeng sterilized, 8% ang undecided ug naa sa less than 1% ang buot makaangkon og dugang anak apan wala kabalo og kanus-a. Sa samang age group sa minyo nga babaye, ang total fertility rate sa rehiyon ang naa sa 2.5 ka bata matag babaye alang sa tulo katuig, ang survey ang less than sa 1.9 fertility rate sa nasud, base sa survey.
Kung magpadayon ang fertility ang mga babaye sa Soccsksargen ang makaangkon og average nga duha hangtud tulo kaanak sa tibuok kinabuhi. Nakaangkon og labing taas nga fertility rate sa Mindanao ang Bangsamoro Autonomous Region sa Muslim Mindanao nga dunay 3.1 gisundan sa Zamboanga Peninsula nga dunay 2.6 ug Soccsksargen sa 2.5. Sagad usab sa contraception methods nga gigamit sa 24% nga minyo nga babayemao ang pills, 6% withdrawal, 6% intrauterine device o IUD, 5% sa female sterilization, 5% injectable, 4% implants, 3% rhythm, 2% alang sa lactation amenorrhea method or LAM ug 1% sa lalaki ang gagamit og condom.
Ang birth delivery sa Soccsksargen, walo sa napulo ang delivered sa skilled provider, sama sa doctors, midwives ug nurses, base sa survey. Matud ni Atty. Maqtahar Manulon, PSA XII regional director, ang pagpagula nila sa resulta ang aron makatabang nga magamit sa policy-makers sa rehiyon tumong makahimo og estratehiya kalabut sa population programs. I Richel Gubalani
