LEGAZPI CITY – Ngunyan na aldaw nakatalaan an opisyal na pagbubukas para sa selebrasyon kan Coron Festival kan Tiwi, Albay. Sa intrevista kan Brigada News FM Legazpi kay Tourism Officer 1 John Albert Fabrero, sinabi kaini na dawa ngunyan an opening kan festival, may mga nainot na sindang aktibidad antes an pagpupuon.
Kasuudma, naka-display na an ceramic products kan banwaan sa Ayala Malls Legazpi asin madurar ini hasta sa petsa 4. Ngunyan na opening, magkakaigwa nin misa, trade fair, mga pa-contest, Drum and Lyre Corps asin pagkabanggi, igwa Governor’s Night.
Month-long celebration su boot an Coron Festival, asin sa pagtatapos kaini sa Agosto 30, manlain-lain na mga aktibidad an dapat abangan kaibahan an pag-promote kan faith tourism. Katakod kaini, pangapodan asin naglalaom si Fabrero na dakol an makooperar, mapartisipar asin mahiling sa pinagpreparan nindang selebrasyon.
