Pinakakasuhan ng Office of the Ombudsman sina dating Health Sec. Francisco Duque III at dating Budget Usec. Christoper Lao dahil sa umano’y iregularidad sa paglilipat ng mahigit P41 bilyong pondo na ipinambili ng COVID-19 supplies noong 2020.
Ayon sa Ombudsman, na labag sa batas ang ginawa ng DOH na ilipat ang P41 bilyon sa Procurement Services ng DBM na pinamumunuan ni Lao.
Pinapayagan lang umano ang DBM na bumili ng common use supplies sa kategorya, hindi sakop ng COVID-19 pandemic supplies na binili mula sa P41-bilyon na alokasyon mula sa DOH.
Kaugnay nito, nakita rin ng Ombudsman na guilty sina Duque at Lao sa kasong grave misconduct, gross neglect of duty, at conduct prejudicial to the service.
Samantala, ibinasura naman ng Ombudsman ang criminal at administrative complaints kaugnay sa naturang usapin na isinampa laban kina Ma. Carolina V. Taiño, Myrna C. Cabotaje, Roger Tong-an. Leopoldo Vega, Napoleon Arevalo, Enrique Tayag, Filpina Velasquez, Lorica Rabago, at Crispinita Valdez.