Nanawagan sa pamahalaan ang grupo ng Pinagkaisang Samahan ng mga Tsuper at Operator Nationwide o PISTON na pag-aralan ang pag-abolish sa oil deregulation law at pagbasura sa 12% excise tax sa presyo ng langis.
Ayon kay PISTON President Mody Floranda mas mainam umano ito kaysa magtaas ng singil ng pamasahe kung saan maraming mga kababayan natin ang tiyak na maaapektuhan.
Paliwanag ni Floranda simula noong Enero ngayong taon ay halos P16 na ang itinaas ng produktong petrolyo.
Naniniwala umano ang kanilang grupo na hindi napapanahon kung magtataas ng pamasahe dahil halos dalawang taon din na naka-lockdown ang karamihan sa mga Pilipino bunsod ng COVID-19 pandemic.
Sa halip na taas-pamasahe sinabi ni Floranda baka pwedeng tanggalin na lang 12% na buwis sa langis at tuluyang ipabasura ang oil deregulation law.
