KORONADAL CITY- SAMPUNG mga kompanya sa rehiyon 12 ang nakatanggap ng safety seal certification dahil sa full compliance ng mga ito sa public health standards sa gitna ng nagpapatuloy na pandemya dala ng COVID 19.
Inihayag ni Department of Labor and Employment o DOLE 12 regional director Raymundo Agravante na lima sa mga ito ay nasa General Santos City, tatlo sa Polomolok, South Cotabato at dalawa sa North Cotabato.
Kabilang sa mga ito ang Gensan Feedmill, Inc., Dole Philippines, Inc., at Fastruct Design and Construction sa South Cotabato; South Cotabato Electric Cooperative II, Multimax Industries Corp., Celebes Canning Corp., Philippine Cinmix Industrial Corp., at Petron Bawing Terminal sa Gensan; at ang Yaki Herbal Laboratory at Dole Philippines Inc. – Stanfilco Division sa North Cotabato.
Ang mga ito ay nakapasa sa inspection batay sa mga itinakdang requirements sa Joint Memorandum Circular 20-01 series of 2021 na inisyu ng DOLE, Department of Health (DOH), Department of Trade and Industry (DTI) at Department of the Interior and Local Government (DILG).
Target ng DOLE 12 na madagdagan pa ang mga kompanya na mapabilang sa Safety Seal Certification Program.
Napag-alaman na binibigyan ng DOLE ng safety seals ang mga kompanya at establisemento na compliant sa minimum health standards ng gobyerno at may integrated contract tracing systems sa StaySafe.ph application.
