Pinuna ng Commission on Audit (COA) ang National Youth Commission (NYC) sa umanoy disbursement ng P2.7 million para sa Sangguniang Kabataan (SK) at Task Force Bangon Marawi (TFBM) funds.
Ayon sa COA, base sa 2021 Annual Audit Report ng NYC, naglabas ang naturang komisyon ng P2.06 million mula sa Marawi fund para sa pambayad ng mental health at psychosocial services kahit hindi naman nila umano sakop ito.
Binayaran din ng nasa P651,000 ang tatlong empleyado na hindi naman umano nagtrabaho sa kanila mula sa pondo ng SK’s Mandatory and Continuing Training Program.
Samantala, ang mga naturang empleyado ay gumagawa ng kanilang trabaho kaugnay sa National Task Force to End Local Communist Armed Conflict (NTF-ELCAC) at bilang Presidential Staff Officers.
(ARGIE ERGINA)
