KABANKALAN CITY, Negros Occidental — Naglab-ot na sa 2,933 ka kaso sang dengue ang na balhag sang Department of Health-Western Visayas (DOH-WV) sa bug-os nga rehiyon.
Sa datus nga gin paguwa sang ahensya sang Mayo 18, duwa na ang napatay sa amo nga masakit nga nag gikan sa probinsya sang Aklan kag Negros Occidental.
Sa paglantaw sang Brigada News FM-Kabankalan, may pagsaka sang 18% sa kaso sang dengue subong nga tuig kun e-kumparar sang tinalikdan nga tuig. Sa una nga lima ka bulan (January – May) sang 2023, may yara lamang sang 2,498 ka kaso ang balhag sang ahensya, apang sa subong nga tuig, naka record ang ahensya sang 2,933 ka kaso, sa parihas man nga bulan.
Ang probinsya sang Iloilo ang may 913 nga kabug-usan nga kaso sa diin may tatlo nga napatay, ginsundan sang Aklan nga may 481 ka kaso kag may isa man nga napatay, Negros Occidental nga may 410 ka kaso kag may tatlo nga napatay, Capiz nga may 395 ka kaso nga may isa nga napatay, Antique nga may yara 227 ka kaso sang dengue, Iloilo City nga may yara sang 215 ka kaso, Guimaras nga may 151 ka kaso, kag syudad sang Bacolod ang may pinaka gamay nga kaso sang dengue nga yara sa 141.*