Ro face-to-face classes sa higher education institutions (HEIs) hay para eamang sa mga manugturo ag estudyante nga fully vaccinated kuntra sa COVID-19, base raya sa Commission on Higher Education (CHED) Western Visasyas.
Sa presente, may 153 HEIs sa rehiyon ag 50 pa eang dikara hay nakahiwat it modified f2f classes.
Base sa pahayag ni CHED Region 6 director Raul Alvarez Jr., kapin sa 65% it mga estudyante sa kolehiyo sa Western Visayas, 95% it mga manugturo sa HEIs ag 93% it mga personnel kara hay fully vaccinated eun kuntra sa COVID-19.
Target it CHED-6 nga umabot sa 80% it mga kolehiyo ag unibersidad sa rehiyon ro makahiwat it face-to-face classes sa maabot nga Abril./JIL B. LACSON
