Nanindigan si Pangulong Bongbong Marcos na hindi bubuwagin ang National Task Force to End Local Communist Armed Conflict o NTF-ELCAC.
Ayon sa Pangulo, wala syang nakikitang dahilan para tanggalin ito.
Dahil hindi naman anya ang gobyerno ang gumagawa ng red-tagging, kundi kung sino-sino lang.
Sinabi pa ng Pangulo na nabawasan ng malaki ang internal security threat sa bansa, dahil sa ginagawang pagtulong ng NTF-ELCAC sa mga dating lumalaban sa pamahalaan.
Sa ngayon, kailangan pa raw ang NTF-ELCAC dahil meron pang mga barangay sa bansa na hindi pa nabibigyan ng tulong ang mga sumukong rebelde.
Tatanggalin lang daw ang NTF-ELCAC kung malinis na ang lahat ng barangay sa bansa at kung hindi na sila kailangan.