Kinasahan it baril ru nobyo it kasambahay matapos magbisita sa panimaeay it amo sa Brgy. Estancia, Kalibo, Aklan.
Base sa aligasyon it biktima nga nobyo’t kasambahay, nairita ru amo dahil sa naga disturbo sigun kanda ag may gina sunod nga oras sa pagpamasyar.
Gin pauli sigun it amo ru nobyo ag gin kutana kun makasa imaw apang naga hinipos eamang gihapon ru nobyo.
Gin kutana pa sigun it suspek kun kaya na ru 45 nga baril ag ku ulihi hay gin kasahan ru suspek resulta it pagka koeba kara.
Nagpakilaea pa sigun ru amo nga taga-Kampo imaw ag pwede sigun nga ipadakop maskin anong oras.
Ikara nag pa record sa Kalibo MPS ru biktima.//MARIVIC Y. ILIN
