ISA sa pagahisgutan sa umaabot nga panagtigom sa Barangay Dadiangas South ang pagpatuman sa ‘no vaccination, no entry’ sulod sa palengke, kini ang gihingusgan ni Kapitan Rock Garay.
Matud niini ang management sa palengke ilawom sa Local Government Unit apan nasakop kini sa Barangay Dadiangas South busa aduna siyay katungod nga ipatuman ang maong polisiya isip Kapitan sa Barangay.
Nakig-alayon na siya sa Market administrator sa syudad aron iduso ang ‘no vaccination’ no entry’ sa palengke, lakip usab ngadto sa tanang establisyemento nga sakop niini.
Ang tumong sa opisyal nga maresolba ang pagkatag sa Covid-19, kay sagad nga ginadagsa sa mga tawo mao ang public market, ug nagikan pa sa ubang lugar ang mga tawo. Sa pagpatuman niini, pipila ka personahe ang iyang ibutang sa matag entrance ug exit sa merkado, kung asa kinahanglang magpresentar og vaccination card ang tanang musulod. I Enamie Mogpon
