TARGET sa Schools Division Office sa Gensan nga mahimong nang fully functional ang Antigen Testing center karong Pebrero 2022, alang sa tanang magtutudlo sa syudad. Gitakda na ang SARS-CoV-2 Antigen Rapid Diagnostic Test training sa mga DepEd nurse karong Pebrero 2 hantod 4, 2022 nga ihatag sa City Health Office.
Pagkahuman niini, maghulat na lang og certification gikan sa CHO aron sugdan na ang antigen testing. Aduna na usab Memorandum of Agreement ang DepEd – GenSan ug Lagao Central Elem. School kung asa gamiton ang usa ka Room niini isip Holding Area kung adunay magpositibo sa antigen result.
Ang pagtukod sa DepEd GenSan og swabbing center usa ka lakang sa Division aron dali nga masusi ang mga Division personnel nga adunay sintomas sa Covid-19. Kung ugaling adunay positive result sa Antigen test, dali kining ipahibalo ug e-turn-over sa mga Rural Health Unit sa Barangay kung asa nasakop ang gikaengong personahe sa DepED. I Enamie Mogpon
