Gitangtang na sa Provincial Government sa Davao Occidental ang pagpatuman sa “No Movement Sunday” human nga miusbaw ang kaso sa Covid-19 sa nahisgutang probinsya.
Kini subay sa gipagulang Executive Order sa LGU Davao Occidental, gilatid sa maong EO nga nagpabiling limitado ang lihok sa mga residente diin kinahanglan lamang gihapon mugawas kung essential ang tuyo ilabi na sa mga nag edad 12 anyos paubos lakip na adunay comorbidities, ug mabdos. Ang maong lakang nagpasabot matud pa nga dili gihapon mag kumnpyansa ang mga tawo ilabi na nga padayon ang bahad sa Covid-19.
Subay sa datus nga gipagula sa DOH-XI nga adunay 76 aktiobong kaso ang Davao Occidental nga mas ubos kini kung itandi kaniadtong mga kasio sa maong virus.
Bisan paman giwagtang na ang “No Movement Sunday” magpabilin gihapon ang curfew gikan alas 11 sa gabii hangtod alas 4 sa kadlawon samtang gitambagan usab ang mga residente nga padayong mutamod sa health protocols batok Covid-19 bisan paman nga miluag na ang restrictions.
