Tungod sa padayon nga gipahigayong imbestigasyon sa Digos City Police Station kalabot sa pagpusil-patay sa chairman sa usa ka transport cooperative kaniadtong November 17, 2021, aduna na matud pa silay natumbok nga person of interest sa maong krimen.
Subay sa inisyal nga imbestigasyon, usa sailang ginalantaw’ng motibo ang bangi tali sa ubang myembro sa kooperatiba diin gikaingong mihatag ang Land Transportation Franchising and Regulartory Board (LTFRB) og ayuda sa tanang myembro sa kooperatiba apan wala matud pa nahatagan ang uban niini.
Una ng nasayran nga ang biktimang nga si Ronald Sabandal usa ka chairman sa Digos Padada Transport Cooperative, gipusil patay samtang nagbaktas pauli sailang balay gikan sa trabahoan.
Nagpadayon pa ang imbestigasyon sa maong krimen aron masikop na kung si kinsa ang mipaluyo sa maong pagpusil-patay sa biktima.
