BNFM BICOL—Kaugnay pa rin ng pagsasailalim sa Modified Enhanced Community Quarantine sa buong lalawigan ng Catanduanes, kasalukuyang ipinapatupad ngayon ng lokal na pamahalaan sa bayan ng San Miguel ang ‘No clearance, no travel policy.”
Batay sa Executive Order No. 36 series of 2021 na ibinaba ni San Miguel Mayor Francisco T. Camano, kinakailangan ng mga biyahero sa nasabing bayan na kumuha ng clearance mula sakanilang mga respetibong barangay bago pahintulutang makasakay sa mga public transportation vehicles.
Limitado lang din ang pag biyahe para sa mga essential travelers habang isang pasahero lamang ang dapat na isakay ng bawat traysikel.
Para naman sa mga motorsiklo, kinakailangan rin ng mga itong mag secure ng clearance mula sa barangay upang pahintulutan ang backride habang kapareho din ang ipinapasunod na protocol para sa mga nagmamay-ari ng pribadong sasasakyan.###
