Gibaharan Land Transportation Franchising and Regulatory board-XI ang mga Public Utility Jeepney (PUJ) driver nga pakyas nga mupatuman og physical distancing sa ilang mga unit.
Kini subay sa bag-ong memorandum circular 11 nga gipagawas kagahapon ni Regional Director Nonito Llanos III kung asa gitataw nga kinahanglan sundon ang 0.3 meters.
Gitataw sab sa mando nga pabilin sa 50% ang seating capacity sa Davao region sanglit didto lamang applicable sa land base transportation services nga naga-operate didto sa national Capital Region ug Metro Manila ang 70% increase sa seating capacity.
Base sa gitakda nga seating capacity, kung ang yunit dunay original capacity nga 22 mamahimo lamang kini makapasakay og 12 ka pasaher0; Original capacity 18 anaa sa 10 ang pwede pasakyon; sa FilCab 13 to 8; UVE 1 seat apart.
Ang musupak niini dunay multa nga P5,000.
Sa laing bahin giklaro sa LTFRB-XI nga magpabilin pa gihapon nga tag 9 pesos ang pamasahe sa dili lagyo nga biyahe o sa unang 4 kilometros ang distansya sa mga pampasahero-an nga sakayan dinhi sa syudad sa davao, bisan pa man nga nakasinati og mahal nga presyo sa krudo og gasolina.
Sumala pa nga mamahimo lamang nga mo dungag og P1:50 sa mga musunod nga kilometro.
Kahinomduman nga gipatas-an kaniadto ang pletehan sa mga PUJ gumikan usa sila sa mga na apektuhan ang panginabuhian human gipatuman ang 50% seating capadity tungod sa pandemya.
