PATAY ang negosyanteng babaye human gipusil sa riding in tandem criminals sulod sa ilang compound sa 5th road, Barangay Calumpang, GenSan. Giila sa Calumpang Police Station ang gipusil nga si Didith Reyes Alejandria, 47-anyos, minyo, distributor sa softdrinks.
Sa inisyal nga imbestigasyon, alas-11:05 sa buntag gahapon naa sulod iyang balay si Alejandria dihang kalit miabot ang riding in tandem criminals ug gipusil kapila kahigayon nga miresulta sa iyang kamatayon. Samtang gikakurat sa silingan ni Alejandria nga si alyas Inday ang nahitabo sa nasangpit.
Matud ni Police Major Robert Fores, hepe sa presinto blangko pa sila sa motibo sa krimen apan duna silay nakuha nga footage sa CCTV.
Sa bahin usab ni Police Col. Nicomedes Olaivar Jr., director sa GenSan City Police Office (GSCPO) gikasa na nila ang hot pursuit operation aron masikop ang mihimo sa krimen. I Richel Gubalani
