Ginhatagan sang pagkilala ni Gov. Eugenio Jose Lacson sang Negros Occidental ang nangin kontribusyon sang tagsa ka mga departamento sang Probinsya sa iya sini nga mensahe sa ginpatigayon nga ‘Thanksgiving and New Year’s Mass’ sa Provincial Capitol Social Hall kahapon.
Sandig kay Lacson ang nasambit nga mga departamento amo nagbulig agud mahatagan sang sabat ang pila ka mga kahimtangan nga ginpresentar sa gobyerno probinsyal rason kun nga-a ginhatagan ini sila sang pagpasidungog kag pagkilala.
Sa mensahe sang Gobernador iya ginapasidunggan kag ginapabugal ipaalinton sa pihak sang na-eksperyensyahan nga kabudlayan sang nagliggad nga tuig , ang probinsya nakakuha sang isa ka international award, pito ka mga national awards, kag dese-otso ka regional awards.
Sa mga awardees, para sa International Award, ang Negros Occidental Language and Information Technology Center (NOLITC) amo ang nangin champion sa IRON Cup 2021 International Virtual Robotics Competition.
Sa National Awards, nabaton sang probinsya sang Negros Occidental ang Galing Pook 2021 Top 10 for Network of Alliances for Coastal Wetlands Conservation, 3 STAR Awards ginhatag sang TESDA sa NOLITC para sa tatlo ka mga Registered Programs sini , Top Employer halin sa Government Sector award ginhatag sang Pag-Ibig Fund ( HDMF), Top Government Sector Employer in the Visayas award ginhatag sang Pag-Ibig Fund, Safety Seal Award halin sa DILG, Anti-Drug Abuse Council Performance Audit Award halin sa DILG, kag ang Teresita L. Jalandoni Provincial Hospital ginkilala bilang top performing hospital sa Rapid TB Diagnostic Laboratory sa Pilipinas.
Samtang, sa mga Regional Awards, nada-og sang Negros Occidental, 8 ka mga syudad kag 10 ka mga munisipalidad ang 2021 Good Financial Housekeeping sang Department of Interior and Local Government (DILG), 3rd Top Performing Provincial Assessment Officer halin sa Bureau of Local Government Finance Region 6, Best PESO Employment Information System Implementer halin sa DOLE Region 6, Regional Winner – First Class Province Category sa Regional Search for Best PESO 2020, Best Performing Province in Crop Insurance Initiatives and Innovation halin sa Department of Agriculture 6, Exemplary Accomplishment in the Implementation of African Swine Fever Prevention Initiatives, Measures, Rules and Regulations halin sa Dept. of Agriculture Region 6; Don Salvador Benedicto Hospital bilang Top Performing DOTS Referring Facility sa Region 6, Top Performing Area of National Immunization Program, Malaria Free Province, Silver Awardee for Bacteriology-Confirmed Treatment Enrollment in Race to End TB, Silver Awardee for Tuberculosis Preventive Treatment, Bronze Awardee for Population Testing Rate with 52 % sang 3rd Quarter sang 2021 In Race to End TB, Regional Sandugo Awardee, Recognition of Invaluable Support to the Implementation of Field Health Services Information System, Recognition of Valuable contributions and Steadfast dedication to the Epidemiology and Surveillance System ( ESS ), Recognized for Excellent Performance in the Implementation of Community Based Mushroom Production Program sang DA, 2nd Place in Western Visayas for Likha Award for Outstanding Creative Research sa persona ni Engr. Jimbo Garsula kag Outstanding Rural Women in Western Visayas sa persona ni Marina Elena Gumban-Ortega. Via Nimrod Zabala
