Inihayag ng Malacañang na makakatanggap ng P1,000 hanggang P4,000 na cash aid ang mga low-income residents ng National Capital Region (NCR) dahil sa pagpapatuloy ng enhanced community quarantine (ECQ) bunsod ng COVID-19 pandemic mula August 6 hanggang 20.
Sa gitna nito, sinabi ni presidential spokesperson Harry Roque na hindi nga lang sila sigurado saan ito kukunin.
Ayon kay Roque, inaasahan na tutukuyin ngayon ng Department of Budget and Management (DBM) kung saan kukuha ng pondo para sa cash aid.
Samantala, sinabi naman ng Department of Labor and Employment (DOLE) na naghahanap sila ng funding sources para sa posibleng tulong para sa mga workers na maapektuhan ng two-week ECQ sa Metro Manila.
Batay kay Labor Undersecretary Benjo Santos Benavidez, hindi pa matukoy ng ahensya kung gagamitin nila ang available budget o hihingi ng karagdagang pondo mula sa Department of Budget and Management. // MHEL PACIA-TRINIDAD
