BICOL – NAGTITINER na pinaka dominante o may pinakadakul na kaso an covid-19 Delta variant gabos na mga variants of concern sa Bicol.
Base sa pinakahuring Bio surveillance report kan Department of Health, as of February 11, uminabot na sa nueve sientos trenta y siete an kabilugan na bilang nin gabos na mga variants of concern na nairerehistro sa rehiyon.
Sa bilang na ini,sais sientos kwarenta 640 an delta mantang nakapako man sa siento bente siete an Beta siring man an alpha sa singkwenta y sais.
Mantang suminirit man sa siento otso an mga nairerehistrong kaso in omicron sa rehiyon na iyong pigkokonsiderar na pinakanakakaulakit asin pinakamarikas na maglakop na klase nin COVID-19 variant.
An sinambit na mga kaso nin omicron an nairehostro sa mga probinsya kan Albay, Camarines Sur, Catanduanes, Masbate, Sorsogon asin mga syudad nin Naga asin Legazpi mantang igwa gwa soboot nairehistro sa Camarines Norte alagad na-verify man na bako mga local cases na na-detect sa laog kan rehiyon.
Sinabi kan ahensya na nangangahulugan sana ini na makaskas an n paglakop kan sinambit na variant asin senyales na dai dapat magpaka kampante an mga Bicolano dawa pa ngani naibaba na sa mas maluwag na alert level an rehiyon.
Pagiromdom kan DOH, padagos na sunudon an mga ipinapautob na minimum public health standards urog sa mga pampublikong lugar siring man dai mag duwa duwa pang magpabakuna para sa dugang proteksyon kan sarili asin kan bilog na pamilya.
