MAAYO ang pagkahan-ay sa economic recovery plan sa administrasyon subay sa gilatag sa unang State of the Nation Address o SONA ni Pangulong Bongbong Marcos.
Kini ang panglantaw sa political Analyst, professor sa political science ug
Director sa Research and Development sa MSU-GenSan nga si Dr. Jovanie Camacho Espesor asa ang pinaka-highlight matud pa nga unod sa SONA mao ang economic recovery plan sa administrasyon tungod na usab sa mga maayong tawo nga gibutang sa Pangulo sa iyang economic team.
Usa lang matud pa sa medyo dili klaro ang reporma sa buhisan sa nasud nga gustong ipatuman sa administrasyon.
Lakip usab ang pagpahamtang og buhis sa tanang goods and services nga gibaligya online.
Nanghinaut na lamang si Espesor nga walay mapahamtang nga bag-ong buhisan tungod naglisod pa ang nasud tungod sa pandemya.
Sa pikas bahin, medyo lisod matud pa nga wagtangon ang Oil Deregulation Law tungod mga magbabalaod ang makadesisyon niini, gawas pa nga ang maayong himuon sa gobyerno mao ang paghatag og subsidy sa transport sector.
Samtang namatikdan usab niini nga wala usab may gihisgutan sa gisaad nga panaugon sa P20 kada kilo ang presyo sa bugas.
