PATAY ang usa ka motorista human na-aksidente sa dalang San Pedro Barangay Lagao, General Santos City kaadlawon sa July 28, 2024.
Sumala sa mga residente sa lugar nga nahitaboan nakadungog sila ug lagapak ug sa ilang paggawas may tawo nga nakahapa sa tunga sa sementadong kalsada.
Nagkadugo ug naay motorsiklo sa kilid.
Sa impormasyon nga nakuha sa taga Traffic Enforcement Unit kon TEU, dili taga Gensan ang biktima sa aksidente kondili taga Davao City subay sa mga dolumento nga nakuha.
Ang direksyon sa motorsiklo padulong sa Leon Llido Street gikan sa kanto Ventilacion, Lagao sa dihang natumba sa ginamanihoan nga single motorcycle nga kolor itum.
Nadala sa Dr. Jorge P. Royeca Hospital ang biktima apan namatay. I Ver Diazon
