Patay ro 26 anyos nga driver it motorsiklo kat mabungguan raya it 10-wheeler truck nga may karga nga mga tubo sa Brgy. Crispin Salazar, Iloilo.
Nag-angkun it nina sa ueo ro biktima nga ginkilaea nga si Alex John Rafita, residente it Brgy. Mapili Grande, Badiangan Iloilo.
Base sa imbestigador it Janiuay Police, paadto sa Janiuay ro truck nga ginamaneho ni Romeo Evangeles Medianero kat madueaan raya it preno. Gintinguhaan segun it driver nga i-engine break it driver ro truck pero bangud sa kabug-at it karga hay uwa nana raya naubra.
May ginlikawan segun ro driver it truck agud indi raya mahulog pero dumiretso man raya sa direksyon ni Rafita.
Presente nga nakadetain ro driver it truck sa Janiuay Police Station./JIL B. LACSON
