Sumunggab ro sangka motorista sa sangka pick-up kahapon it agahun sa national highway sa Brgy. Estancia, Kalibo, Aklan.
Sa report it Kalibo PNP, ginkilaea ro motorista nga si Macky Gamos 25yo it Brgy. Carugdog, Lezo samtang ro driver it pick-up hay ginkilaea kay Hope Sodusta it Brgy. Tigayon, Kalibo.
Sa imbestigasyun, naghalin ro pick-up sa Enriquez road paagto it banwang Banga kat gulpi nga sumunggab ro nasambit nga motorista.
Nag-angkon si Gamos it nina sa anang tuo nga siki nga insigida man nga dinaea sa ospital.
Samtang, nag-settle man ro magtimbang nga partido. / ANN DESLENE SALAZAR
