Naninahan sa dahil ro 17yo nga binatilyo matapos raya nga habyon it sangka 22yo nga eaeaki sa may Brgy. Andagao, Kalibo.
Ginkilaea ro suspek nga si Lyndon Cahilig 22yo, residente it Brgy. Navitas, Malinao ag temporary nga nagaistar sa Brgy. Andagao.
Sa report, pauli eon ro 17yo nga biktima ag mga kaibahan kara halin sa sangka gay pageant kat abangan it suspek ag ginbunaean it bote ro daea nga ayam it biktima.
May daea pa segun nga kutsilyo ro suspek ag hana pa kunta nga bun-on ro biktima pero maswerte ag nakalikaw raya.
Ginhinaboy pa segun it suspek ro biktima nga tinamaan sa dahi ag naka confine makarun sa ospital.
Nagapangatubang man ro suspek sa kasong frustrated murder ag may piyansang P200,000 para sa anang temporary nga kahilwayan. / ANN DESLENE SALAZAR
