Dead on the spot ang usa ka motorista human gipusil sa mga suspek nga naka motorsiklo sa Barangay Igangon, San Isidro, Davao del Norte kagahapon.
Sa report sa San Isidro Municipal Police Station giila ang biktima nga si Bartolome Caso, 44-anyos nga residente sa Barangay Kapatagan, Laak, Davao de Oro.
Sumala pa nga padulong sa Tagum City ang biktima sakay sa iyang motor sa dihang gisabayan sa mga suspek nga sakay usab sa motor og sa dihang nagtungod na kalit na lamang gipabutan si Caso.
Paspas nanibat ang mga suspek samtang ang biktima mabangga sa punuan sa saging og didto na kini nakabsan sa iyang kinabuhi.
Nakuha gikan sa biktima ang iyang bag samtang narekober usab ang basyo sa bala nga gitoohang iya sa .45 caliber nga gigamit sa mga suspek.
Ginaimbestigahan na karon sa kapolisan ang krimen aron maila ang mga suspek. BNFM-Davao
