Ginbaril-patay it uwa pa nakilaea nga riding-in-tandem ro sangka eaeaki nga nagamaneho eamang it anang motorsiklo sa Brgy. Piapi 2, Hamtic, Antique.
Ginkilaea ro biktima nga si Claudio Hiponia Abellon, 56-anyos it Brgy. Piapi 3, Hamtic, Antique.
Base sa imbestigasyon it Hamtic PNP, nag-angkon it pito ka tama it bala si Abellon sa likod nga parte it anang eawas.
Insigida man raya nga ginsugod sa ospital spero gindeklara man it doktor nga patay.
Na-recover sa crime scene ro lima ka empty shell it baril ag padayon gihapon ro hot pursuit operation it mga kapulisan sa mga suspek. /JIL B. LACSON
