DILI pa makunsidera sa pamunuan sa General Santos City Police Office (GSCPO) nga case solved na ang kaso nga pagpatay kay PCpl Rasul Alongan.
Kini ang giluwatan nga pamahayag ni PCol Jomar Alexis Yap, GSCPO Director luyo nga nadakpan na ang suspek nga si Jenillo Bonghayo Sotto “alyas” Boyaks ug Arnah Janna Dupalco Perez.
Segon ni Yap nga kon mapasakaan og kaso ug dawaton sa korte ang iduso nila nga panumbongon, diha pa makunsiderang solved ang kaso nga pagpatay sa pulis.
Samtang dili pa usab matino ni Yap kon unsa ang motibo sa maong pagpatay.
Kahinumdom nga si PCPL Alongan ang gipusil patay sa restaurant sa Purok 11 barangay Fatima kaniadtong Abril 20 sa gabii samtang nagakaon ang biktima. I Danny Casi
