Totally burned ang 11 ka mga store samtang isa naman ang partially matapos ang nagluntad nga sunog sa Poblacion, Tapaz, Capiz, takna alas 10:30 kagab-i sang Domingo.
Ginkilala ang mga tag-iya sang baligyaan nga nasunog nga sanday Rogelio Apruebo, Arnold Galagate, Margie Galagate, Milagros Fito, Joselyn Hiloriao, Sandy Santiago, Ralph Fito, Mary Grace Atienza, certain Myrna, certain Verginia, certain Glen, kag certain Jeng Artuz.
Sa interview sang Brigada News FM kay SFO3 Jesus Abucay, Municipal Fire Marshal, ginpahayag sini nga bangud human sa light materials ang mga baligyaan, madasig nga naglapta ang kalayo kag wala gid sang may nasalbar nga kagamitan ang mga tag-iya.
Suno kay Abucay, nag-lab-ot sa 3rd alarm ang kalayo kun sa diin nagresponde sa nasambit nga insidente ang Bingawan, Jamindan, Dumarao kag Dumalag Fire Station, kag masobra 2 ka oras antes napalong ang kalayo.
Ginabanta nga nagalab-ot sa P600,000 ang inisyal nga kahalitan sang sunog.
Sa karon, padayon pa ang imbestigasyon sang mga bumbero kag posible nga kuryente ang gintunaan sang amo nga insidente. | Judy Ann Juare
