Target ngayon ng Office of the Civil Defense OCD na magpatupad modernisasyon sa kanilang kagawaran.
Ito’y matapos ang isinagawang pagpupulong ng mga opisyal ng naturang ahensya na pinangunahan ni OCD administrator Undersecretary Ariel Nepomuceno.
Sa pulong, tinalakay ang augmentation ng mga DRRM team, pagtatatag ng karagdagang pasilidad tulad ng mobile command centers, at pagpapalakas ng ugnayan sa iba’t ibang sektor.
Napag-usapan din ang paglulunsad ng Civil defense training institute, pagpapalakas ng mga sistema ng OCD, at pagbuo ng resilience master plan.
Layunin nito na mas pagtibayin pa ang civil defense at disaster risk reduction and management capabilities ng ahensya para sa mas magandang serbisyong maiaalok nito sa taumbayan sa tuwing panahon ng kalamidad ngayong taon.
