Dili na ipailawum sa facility-based quarantine ang mga fully vaccinated international flight passengers sa Davao International Airport.
Sumala kang City Tourism Operations Office (CTOO) Head and Airport Monitoring Head Generose Tecson, ang maong mando epektibo sa tanang Filipino tourists ug residents, bisan ang mga langyawng turista gikan sa visa-free countries sugod sa niaging adlawng Huwebes February 10.
Apan kinahanglan nga duna y mapakita nga negative reverse transcription-polymerase chain reaction (RT-PCR) test nga gikuha 48 ayha ang pag-abot gikan sa nasud nga gigikanan, gawas pa kini sa ipresentang verified vaccination status.
Alang usab sa mga partially vaccinated ug unvaccinated nga pasahero ang kinahanglan mopailawum sa 14-day hotel-based facility quarantine.
Pinaagi sa bag-ong kalambuan, gilauman ni Tecson nga daghang turista ang maenganyo nga mosulod sa dakbayan.
Hinoon sa karon bugtong ang direct international flights gikan Dubai ug Singapore pa lamang ang operational samtang wala pay ubang airline companies ang nagpadayag nga banhawon ang ilang direct flights sa syudad. BNFM-DAVAO
