GIKUMPIRMA sa Manager sa Metro Gensan Transport Cooperative nga nagapaabot nalang sila karon sa resulta sa evaluation sa taga Land Transportation Franchising and Regulatory Board kon LTFRB human nga nag-apply sa Route 3.
Sa pahayag ni Sabelita sa Brigada sumala niini nga na-submit na nila ang mga requirements mao nga nagahulat nalang sila og Notice of Selection kon NOS.
Ang Route 3 gikan sa Barangay Katangawan agi sa Nursery Road ug sa Central Public Matket vice versa.
Ang aprubadong ihap sa electric Jeep Units sa Route 3 subay sa Local Public Transport Route Plan kon LPTRP mokabat sa 30 ka unit, tungod niini may pauna nga 15 ka unit nga gi-order sa MGTC sa supplier.
Ang target sa MGTC nga makabyahe sa mao nga rota sa bulan sa Agusto o kaha sa Septembre 2022.
Gidugang ni Sabelita nga may lugar na usab sila nga himuong garahe nga usa ka rekositos bag-o ma-isyu ang NOS.
Kon dili mausab ang fare matrix sa Public Transport sa Gensan anaa gihapon sa 11 pesos sa unang upat ka kilometros ug P1.50 sa matag mosunod nga kilometro. I Ver Diazon
