NAHIMONG ‘smooth’ ang transition ug turn-over sa mga dokumento ngadto sa pasulod nga administrasyon ni Mayor- elect Lorelie Pacquaio.
Pipila ka semana kini bag-o ang oath taking sa mga midaug nga opisyal sa GenSan June 28. Gipangunahan ni Rilimin Sandoval, Department of Interior and Local Government (DILG) City director atong Hunyo 16 (Huwebes).
Girepresenta ni Atty. Arnel Zapatos, city administrator si outgoing Mayor Ronnel Rivera sa paghatag sa mga importanteng dokumento sa team ni Pacquaio. Kini ang pagsunod sa DILG memorandum circular No. 2022-029 atong Marso 10,2022.
Tumong ang masigurong matipigan ang rekords, dokumento ug maprotektahan ang assets sa LGU. Gimanduan ang City Governance Transition Team (CGTT) sa imbentaryo sa immovable nga propedad sama sa luna, permanenting imprastraktura. Sama sa buildings, pasilidad, machineries, sakyanan, furniture, office supply ug uban pa. I Richel Gubalani
Photo: Johnrex Beltran Galdo
