MOKABAT pa lang sa 30 percent sa 35,000 ka mga senior citizens sa GenSan ang nabakunahan batok COVID-19.
Kini ang gibutyag ni Office of Senior Citizens Affairs o OSCA GenSan president Celso Mendoza nga dili taas ang porsiento sa mga senior citizen ang nabakunahan batok COVID-19 sa GenSan tungod sa mga sayop nga impormasyon.
Gani aron matud pa madugangan ang ihap sa mga magpabakuna sa ilang hanay, nagpahigayon sila og press conference kauban si Dr.Aquino aron mapahibalo ang kamahinungdanon sa bakuna ngadto kanila.
Kalabot niini, nananawagan si Mendoza sa mga senior citizen nga nagduha duha pa nga magpabakuna na labi pa karon nga may Delta variant na.
Gipaadtoan na usab matud pa sa ilang mga presidente sa federation ang mga lagyong barangay aron awhagon ang mga senior citizen nga magpabakuna na.
