Nakapagbakuna ng mahigit walong daang mga pasyente ang Municipal Health Office o MHO ng Subic.
Ito ay sa loob lang ng anim na araw na sunod-sunod na mga schedule sa mobile vaccination laban sa corona virus disease.
Ayon sa MHO nakatulong ng malaki ang pagbabara-barangay na lamang sa halip na gawin ang pagbabakuna sa mga vaccination center dahil nakakatipid at di na kailangan gumugol ng matagal para pumila at mag antay ng oras.
Samantala sa kabuuan ay 15-thousand ang target ng mho na mga seniors na dapat mabakunahan kaya paspasan ang ginagawang mobile vaccination hanggang may supply ng bakuna.//Michelle Lopez-BNFM OLONGAPO
