“I wholeheartedly welcome the appointment of our dear friend, Senator Ralph Recto, as our new Finance Secretary.”
Ito ang pahayag ni Senate President Migz Zubiri matapos kumpirmahin ng Palasyo ang pagtalaga kay House Deputy Speaker Recto bilang bagong kalihim ng Department of Finance (DOF).
Ayon kay Zubiri, itinuturing niya bilang “resident numbers genius” si Recto dahil sa mathematical ability nito at maging kakayanan na makita ang “big picture”.
Samantala, ibinahagi naman ni Senate President Pro Tempore Loren Legarda na mayroon ding malalim na kaaalaman sa usapin ng “economics” at “finance” si Recto.
Kaugnay nito, ayon kay Senador Win Gatchalian tiwala siyang magiging valuable addition sa economic team ng bansa si Recto.
Maalala, unang lumabas ang balita mula sa kanyang asawang aktres at dating Governor Vilma Santos-Recto na kalaunan ay kinumpirma rin ni Communications Secretary Cheloy Garafil.
