Plano ngayon ng ilang restaurants na magbigay ng iba’t-ibang level ng diskwento sa mga COVID-19 vaccinees, sa layuning mas marami pang mga Pilipino ang mahikayat na magpabakuna.
Ayon kay Trade Secretary Ramon Lopez, sa katunayan may ilan umanong kaininan ang nagbibigay na ng discounts.
Kaugnay nito, pinasalamatan ni Lopez ang private sector sa pagbuo ng naturang inisyatibo.
Sa kabila nito, nanindigan ang kalihim na ang ang pinaka-benepisyo ng pagpapabakuna ay para makaiwas sa severe symptoms ng COVID-19 at hindi ma-ospital.
Sa huli, pinaalalahanan nito ang publiko na magpabakuna laban sa naturang virus, anuman ang brand ng bakuna. // MHEL PACIA
