Nagbaton kang bulig pinansyal halin sa gobyerno probinsyal ang mga pumuluyo nga naapektuhan kang El Niño sa mga banwa kang Sibalom kag San Remigio kahapon nga adlaw.
Paagi sa Provincial Social Welfare and Development Office (PSWDO), 70 ka mga benepisyaryo halin sa nagkalain-lain nga barangay sa Sibalom kag 106 halin sa San Remigio ang nagbaton kang P2,000.
Ginpasiguro naman ni Gov. Rhodora Cadiao ang mga benepisyaryo nga bug-os ang suporta kang gobyerno para kananda nga mga pumuluyo kag nagpahanumdum nga mag-uligmat sa kadya nga tyempo kang tag-ururan.
