LEGAZPI CITY – Nagkondusir an Albay Provincial Social Welfare and Development Office (PSWDO) nin 3rd Quarter Joint Meeting para sa Local Social Welfare and Development Offices (LSWDOs), Albay Senior Citizens Association (ASCA), asin Albay League of OSCA Heads (ALOH).
An nasambit na pagtiripon, isinagibo sa Ysabelle’s Events, Legazpi City, kasuudma Hulyo 19, 2024, kun sain pinag-orolayan digdi an manlaen-laen na mga topic manungod sa presenteng pigkakahampang kan saindang mga opisina.
Presente sa nasambit na pag-orolay an National Commission of Senior Citizens, asin iba pang mga opisyales kan manlaen-laen na mga asosasyon sa probinsya. Ipighayag man kan PSWDO na igwa subuot na pigpaplano si Albay Vice Governor Glenda Ong Bongao asin Billy Balin na nagkapirang aktibidad para sa May Forever sa Albay Celebration na isasagibo sa mga masunod na aldaw.
