GIKUMPIRMA ni Geraldine Zamora, labaw sa Business Permits and Licensing Division nga miadto na sa iyang opisina ang mga operator sa peryahan aron mukuha og permit.
Apan giklaro niini nga kinahanglan pa nga ma-inspeksyon sa taga Office of Building Official kun OBO ang mga peryahan aron sutaon kung ‘safe’ ang ilang mga rides.
Lakip usab nga sutaon sa City Treasurer alang sa tama nga bayran sa mga peryahan sa ilang pag-operate.
Dugang ni Zamora, ugaling mahatagan na og permit ang mga peryahan, kinahanglan matud pa nga ilahang i-post ang permit sa entrance aron makita sa mga tawo.
Sa Gensan adunay pipila ka barangay nga adunay nag-operate nga peryahan sama sa Barangay Buayan, Conel, South, City Heights, Calumpang ug Apopong.
Alayun sa pag-operate sa mga peryahan, may hangyo si Zamora nga ipatuman ang health protocols tungod anaa pa sa alert level 2 sa COVID-19 ang Gensan.
