NAGTUO karon si PLt.Col. Aldrin Gonzales nga walay sekreto nga dili mabulgar sa mga nalambigit sa online sabong nga sakop sa PNP.
Kini human sa kamanduan ni PNP Chief Gen, Dionardo Carlos nga ginabawal sa mga pulis nga moapil sa online sabong human usa ka miyembro sa PNP ang nanulis aron makabayad sa utang tungod sa online sabong.
Gitino ni Gonzales nga sukad pa man kaniadto, gibawal na sa kapulisan nga malambigit sa illegal nga sugal asa sa bag-ong kamanduan apil ang online sabong.
Sa karon dugang pa ni Gonzales, magpahigayon matud pa og surprise inspection sa mga cellphone sa mga pulis aron sutaon kung may app sa online sabong apan sa karon, posibleng gi-delete na ang app.
Hinuon may ubang pamaagi pa usab aron sa pagsuta sa mga nalambigit nga pulis sa maong sugal.
Dugang pa ni Gonzales mas paspas paghipos nila og mga ebidensya kung motabang ang katawhan.
Nagtuo ang nahisgutang opisyal nga dako ang epekto niini sa pulis sa ilang trabaho kung nalambigit sa online sabong ug ubang illegal gambling activity ug apil maigo ang ilang immediate superior nga masilutan.
