Ubay-ubay na ka mga pasyente sa COVID-19 ang naghulat aron ma-admit sa pasilidad taliwala sa nasinati nga surge.
Sigon kang Dr. Marie Yvette Barez, Infection Control and Prevention Unit Chair sa SPMC, anaa sa 30 pasyente sa ward ang naghulat sa emergency room, 7 sa private hospital, 38 sa annex, ug 39 gikan sa ubang ospital sa syudad.
Wala pa kini labot sa bag-ong mga pasyente nga nadugang kagahapong adlawa busa puno na ang tanang COVID-19 beds sa ICU ug ward sa SPMC.
Tungod niini nanawagan ang opisyal og tabang gikan sa mga nurse nga wala karoy trabaho aron maoy moatiman sa mga bag-ong maadmit nga pasyente tungod sa paga-ablihan nga dugang kama.
Sa karon padayon nga nadugangan ang ihap sa mga katibong kaso human napun-an og 253 kagahapon hinungdan nga nisaka pa sa 4, 415 ang aktibong kaso sa syudad as of June 18, 2021.
Resulta matud pa kini sa mas gipakusgan nga community surveillance ug contact tracing sa pagpanguna sa City Health Office. BNFM-DAVAO
