Ginkumpirma ni Mr. Elmer Relota, Science Research Analyst it Phivolcs- Antique nga mas manami nga may sangkiri nga pagtay-og sa fault line sa Panay Island kumpara sa uwa gid it narekord nga movement.
Bas kana, mas manami nga may mga movement nga nagaabot eamang sa magnitude 2 nga pagtay-og agud ma-release ro energy sa idaeom, mas kahaeadlok segun nga uwa it may marekord nga mgapagtay-og sa daywa hasta tatlo ka buean bangud makatipon raya it mas mabaskog nga pwersa it pagtay-og
Ro West Panay Segment nga fault line sa Panay island hay may movement adlaw-adlaw, pero bukon raya it alarming bangud nagapaguwa eamang raya it mahina nga pwersa.
Uwa man it epekto sa Panay ro natabo nga pagtay-og sa Northern Luzon kahapon./JIL B. LACSON
