Naglayag kahapon mula sa Barangay Bagong bayan sa Puerto Princesa ang mga mangingisda para hanapin ang walong ( 8 ) kasamahan na nawala sa Reed Bank sa West Philippine Sea.
Baon ang dasal at pag-asa ay hahalughogin nila ang Reed Bank para makita ang kasamahan na mahigit isang Linggo nang nawawala simula noong September 22, 2022.
Ayon kay Ms. Arlene Barillo, matapos ang anim na araw ay inaasahan nilang makakabalik na ang mga ito dala ang positibong balita.
Ang mga naglayag kahapon ay ang ilan sa mga kasamahan ng walong nawawala na agad bumalik noong September 22 o bago manalasa ang bagyong “Karding”.
