Umatake na naman sa lungsod ng Olongapo ang grupo ng mga mandurukot na kung tawagin ay gagamba boys.
Ito ay makaraang mabiktima ang isang matandang babae na nakuhanan ng wallet na may lamang 7-thousand pesos noong Miyerkules ng umaga habang sakay ng pampasaherong jeep.
Modus ng mga suspek ang kunin ang atensyon ng bibiktimahin sa pamamagitan ng pagkukunwaring may gagamba sa balikat ng biktima at habang abala sa pag-alma ang target ay tsaka mabilisang dudukutin ang laman ng bag.
Ganito rin ang dinanas ng isang Shaira Santos noong March 15 habang sakay ng jeepney papasok ng trabaho na nadukutan naman ng isang unit ng iphone na nagkakalaga ng 70-thousand pesos.//Christian Andres-BNFM OLONGAPO
